12:04 ص
TNT magazine
مهما أهات العمر هتقنع قلبك
إنك ضد ناموس الكون
وإنك واحد فى المليون
وإن مالى الدنيا ظنون
ومسير الحلم يقولك "بح"
لاء مش صح
مهما يكون
إنت الكون لو حتى مفيش غيرك مجنون
إوعى تسيب شوقك مسجون
اصرخ
طلعه من جواك
حط البعد الثالث فيه
وانفخ من روحك تحيه
بالألوان
بالتفاصيل
مين يقدر ياخدك م الحلم الساكن فيك
الساكن فيه
اسمع منى
إنت أكيد مستنى الفرصة
بس حقيقى الفرصه إنها متجيش
إنت بإيدك اعمل فرصة
حرّة قوية وما بتمشيش
فرصة تعيش
حب الناس لو حتى أملنا فى خيرهم شح
إنت الصح
إوعى تخيب ظنك فيك
إنت الصح
مهما آهات العمر هتقنع قلبك
إنك ضد ناموس الكون
وإنك واحد فى المليون
وإنك مالى الحلم ظنون ومسير الحلم يقولك بح
لا مش صح
/
لاء مش صح .. كلمات : سمر نبيه
Posted in: شعر
0 التعليقات:
إرسال تعليق