12:52 ص
TNT magazine
على شط بحرك ,,
الأمــانى الممكنه شباك خجل بيطل منها عشق رافض مُنتهـاه
وغرور قصيده بتتولد وفضيّهـا,, شهقة حيــاه
ضحك غنوه مستحيّه ,,
ويّا موجــه بتترسِم
على رامله شـاهده
جوا قلبك معنى لرموز النجــاه ,,,
يا حبيبى ,,,
ده فى عيـونك بـراح مشـاعِـر مُعلنـه
سؤال وحرف
علامـه ناقصـه مُبهمه
وسطـر طاغى فى التأويلات
,,حيـاتى قبلك فى ميزان المُهملات
حتى إسمـى ,,,
قبل ضلّك,,, تيـه مُرداف للهويّه فى الخانات
كنت بحلم ويّا ضفايرى بالحنيـن
برواز كبيـر
جامع روحيـن
وسهـم واصل للشمـال من اليمين
شجره ضمّه بفرعهـا شهــد السنين
وروح بيسبق خطوهــا لهفــه
والسكوت الحي ((حاضر )) فرض عيــن
يا حبيبى ,,,
دق نبضـى بإختلاف فى معاد لُقـانا
والبيبان العاصيه بين جفونك مفتوحين
بخور هيــام وخرزه زرقـه
نسمـه دافيه
ولحـن سارى بين أنين الولهانين
يا حبيبى ,,,
جناح غـرامك فى إبتسـام
ضم تفاصيلى العتيقـه
وإحتـوانا كـاس جنــون
ده الألــم بعدك يهــون
فاطرح العشق إلى بنّـا بين شفايف همسنـا
والكيان المرتوي بتنهيده شابكه بين هوانا وزهدنا
إحضنه
وخليـه مقـام
/
مروة شوقي
Posted in: شعر
2 التعليقات:
ده فى عيـونك بـراح مشـاعِـر مُعلنـه
...
والسكوت الحي ((حاضر )) فرض عيــن
...
جمل جميلة يا مروة ..تسلم الأيادى
:)
إرسال تعليق